‘ठग्स अफ हिन्दुस्तान’ मा अमिताभको खतरनाक लुक

बलिउडको बहुप्रतिक्षित फिल्म ‘ठग्स अफ हिन्दुस्तान’ को दोस्रो पोस्टर सार्वजनिक गरिएको छ । पोस्टरमा अमिताभ बच्चन एक ठुलो समुन्द्री जहाजमा हातमा तलवार लिएर बसेका छन् ।

यो भन्दा पहिला पनि अमिताभको यहि फिल्म लुक सेटबाट आउट भएको थियो । ठग्स अफ हिन्दुस्तानमा आमिर खान र अमिताभ बच्चनकासँगै क्याटरिना कैफ र फातिमा सना शेख पनि देखिँदै छन् । विजय कृष्ण आचार्यले निर्देशन गरेको फिल्म ठग्स अफ हिन्दुस्तान ८ नोभेम्बरमा रिलिज हुँदैछ ।

फिल्मका लागि सबै स्टार कलाकारलाई तरबार, घोडासवार र भालाले युद्ध गर्न चार महिनासम्म ट्रेनिङ दिइएको थियो । यस फिल्मका लागि आमिर खानले दुई महिना र अमिताभ बच्चनले दुई हप्ता ट्रनिङमा बिताएका थिए ।
२ सय करोड भारतीय रुपैयाँको बजेट

यशराज ब्यानरमा बनेको फिल्म ‘ठग्स अफ हिन्दुस्तान’ को सुटिङमा करिब २ सय करोड भारतीय रुपैयाँ खर्च भएको छ । बताइए अनुसार फिल्मका लागि १८ औं शताब्दीको भारतको पनि सेट बनाइएको छ । फिल्ममा जोडिएका विभिन्न व्यक्तिहरुले यो कुराको पुष्टि गरेका छन् ।

फिल्ममा एक्सनका लागि सबैभन्दा बढी खर्च गरिएको थियो । फिल्मको इटलीको माल्टा, थाइल्यान्डको बैंकक र भारतका जोधपुर र गोवाको विभिन्न क्षेत्रमा छायांकन गरिएको हो ।