बक्स अफिसमा स्त्रीकै दबदबा, ‘मनमर्जिया’ कमजोर
फिल्म ‘स्त्री’ सय करोडको क्लवमा पुग्दा यो हप्ता रिलिज भएको तीन फिल्म बलिउड फिल्म ‘मनमर्जिया’, ‘लभ सोनिया’ र ‘मित्रौ’ बक्स अफिसमा कुनै कमाल गर्न सकेनन् । नयाँ रिलिज यी तीन फिल्म बक्स अफिसल असफल सावित भएका भन्दा पनि हुने विश्लेषक बताउँछन् ।
मनमर्जियाले तीन दिनमा १४ करोड कलेक्सन गरेको छ भने मित्रौ र लव सोनिया बक्स अफिसमा पुरै डुबेको रिपोर्ट छ । यी दुई फिल्मले आहिलेसम्म बक्स अफिसमा २ करोड मात्र कलेक्सन गरेका छन् । कुनै पनि स्टार कास्ट नभएर पनि यी फिल्मले बक्स अफिसमा हावा खाएको विश्लेषण छ । यी फिल्मलाई दर्शकले अस्विकार गर्दा यस्को फाइदा भने स्त्रीले उठाइरहेको छ ।
मनमर्जियाले शुक्रबार ३.५२ करोड कमाएको छ । शनिबार ५.११ करोड र आइतबार ५.७० करोड बक्स अफिसमा कलेक्सन गरेको छ । अभिषेक बच्चनको कमब्याक फिल्म ‘मनमर्जिया’ले पनि लगानी उठाउन भने सकेको छैन । ३० करोडमा बनेको फिल्मले जसो तसो गरेर १४ करोड जम्मा गरेको छ ।
