टाइगरलाई हलिउड फिल्मको अफर, गर्लान् त ?
बलिउडका एक्सन स्टार टाइगर श्राफलाई हलिउड निर्माता लोरेन्स क्यासनफको हलिउड फिल्म खेल्ने अफर आएको छ । उनले आफ्नो आगामी प्रोजेक्टका लागि उनलाई लिड रोलमा अफर गरेका हुन् । यो फिल्मको छिट्टै घोषणा गर्न सक्ने अनुमान लगाइएको छ ।
टाइगरलाई भेट्न लरेन्स मुम्बई नै आउने स्रोतले खुलाएको छ । लरेन्ससँग एउटा स्टुडियोका प्रमुख तथा एम्मी अवार्ड विजेता लेखक सीन क्याथरिन डेरेक हुन् । उनले निर्माण गर्ने मोर्टल कमब्याट सिरिजमा टाइगरलाई अफर गरेका हुन । एक्सन हिरोको रुपमा परिचित भएका टाइगर यो फिल्मको लागि योग्य रहेको हुँदा फिल्म अफर गरेको बताइन्छ ।
औपचारिक सम्झौता हुन बाँकी रहेपनि दुईपक्षबिभ सकारात्मक कुराकानी भएको छ । हलिउड फिल्ममा आएको अफरबाट टाइगर निकै उत्साहित बनेका छन् । टाइगर श्राफ अहिले बलिउड फिल्म ‘स्टुडेन्ट अफ द इयर’ को सुटिङमा व्यस्त छन् ।
