‘ठग्स अफ हिन्दोस्तान’मा आमिरको लुक सार्वजनिक
बलिउडको बहुप्रतिक्षित फिल्म ‘ठग्स अफ हिन्दोस्तान’ बाट आमिर खानको लुक सार्वजनिक गरिएको छ । २ सय करोडमा बन्दै गरेको फिल्मका मुख्य कलाकार अमिताभ बच्चन, फातिमा सना शेख र क्याटरिना कैफको पछि आमिर खानको लुक सार्वजनिक गरिएको हो ।
आमिरले ट्वीट मार्फत ‘ठग्स अफ हिन्दोस्तान’ आफनो पहिलो लुक शेयर गरेका हुन । फिल्मका लागि आमिर खानले दुई महिना र अमिताभ बच्चनले दुई हप्ता ट्रेनिङमा बिताएका थिए । फिल्ममा सबै कलाकारलाई तरबार, घोडासवार र भालाले युद्ध गर्न चार महिनासम्म ट्रेनिङ दिइएको थियो ।
यो फिल्ममा आमिर खान र अमिताभ बच्चनकासँगै क्याटरिना कैफ र फातिमा सना शेख पनि अहम भुमिका रहेको छ । विजय कृष्ण आचार्यले निर्देशन गरेको फिल्म ठग्स अफ हिन्दुस्तान ८ नोभेम्बरमा रिलिज हुँदैछ ।
