ट्रेन्डिङ नम्वरमा २ मा ‘ए मेरो हजुर २’ को ट्रेलर
प्रतिक्षित फिल्म ए मेरो हजुर २ को प्रोमो रिलिज गरिएको छ । शुक्रबार साँझ रिलिज गरिएको फिल्मको ट्रेलरलाई शनिबार बिहानसम्म झण्डै दुई लाख चालिस हजारले हेरेका छन् भने नेपाल ट्रेन्डिङ नम्वरमा दुईमा आएको छ । झरना थापाको डेव्यु निर्देशन रहेको फिल्मको प्रोमोमा साम्राज्ञी राज्य लक्ष्मी शाह र नव नायक सलिनमान बँनियाको हाइलाइट छन् । प्रोमो हेर्नुस् :
भदौ १६ गतेदेखि प्रदर्शनमा आउने फिल्म ए मेरो हजुर २ को शिर्ष गीत सुपरहिट भैरहेको छ । नव नायक सलिनमान सबैको नजरमा परेका छन् । सुहाना इन्टरटेनमेन्टको प्रस्तुतीमा सुनिल कुमार थापाले निर्माण गरेको फिल्ममा साम्राज्ञी र सलिनमानसँगै सलोन बस्नेत, अनुभव रेग्मी, अनुरागमान सिंह कुँवरको अभिनय रहेको छ । बसन्त सापकोटा र कल्याण सिंहको संगीग रहेको फिल्मलाई संजय लामाले खिचेका हुन् । प्रोमो रिलिज भएसँगै फिल्मप्रति थप उत्सुकता बढेको छ ।
