दर्शक तान्दै बरुण र अनुष्काको ‘सुई धागा’
वरुण धवण र अनुष्का शर्माको फिल्म ‘सुई धागा’ले घरेलु बक्स अफिसमा पहिलो दिन राम्रो शुरुवात गरेको छ । फिल्मले पहिले दिन बक्स अफिसमा ८.३ करोड कलेक्शन गरेको छ ।
ट्रेन्ड एनालिस्ट तरण आदर्शले आफनो ट्विटरमा जानकारी दिएका थिए । साथै उनले गान्धी जयन्तीे विदाको दिन धेरै कलेक्शन गर्न सक्ने आशा राखेका छन् । वरण र अनुष्काको दर्जी अवतारले दर्शकको ध्यान खिचेको छ । अनुष्का र वरुणको नयाँ अवतारलाई कतिले मन पराएका छन् भने कतिले राम्रो छैन भन्ने जस्ता प्रतिक्रिया दिएका छन् ।
सुई धागासँगै विशाल भारद्वाजको फिल्म पटाखा रिलिज भएको थियो । पटाखाले बक्स अफिसमा राम्रो कलेक्शन गर्न सकेन । यो फिल्मले शुरुको दिनमा मात्र ९० लाख जम्मा गरेको छ । यस फिल्ममा राधिका मदान, सान्या मल्होत्रा र सुनिल गोवरको अभिनय रहेको छ ।
