ट्रेन्डिङ १ मा ‘छक्का पञ्जा २’ को गीत, तर दर्शकले खोजे…
शुक्रबार बिहान ८ बजेर ५ मिनेट जाँदा युटुवमा अपलोड गरिएको ‘छक्का पञ्जा २’ को गीतको भिडियोले शनिबार १० बजेसम्म ८ लाख ३५ हजारले हेरेका छन् । २६ घण्टामा सर्वाधिक भ्युज पाएको यो गीतको भिडियो नेपालको युटुव ट्रेन्डिङमा पहिलो नम्वरमा छ ।
युटुव ट्रेन्डिङमा पहिलो नम्वर पर्न सफल गीतको भिडियोलाई लिएर प्रतिक्रिया भने मिश्रित आइरहेको छ । धेरैले गीतको शब्द अनुसार भिडियोमा नाइलनको साडी खोजेका छन् । अल्मोडा राना उप्रेतीको संगीत, शब्द तथा स्वर रहेको गीतमा फिमेल भोकल सुजता भर्माको छ । कविराज गहतराजको कोरियोग्राफी रहेको भिडियोमा केदार घिमिरे, जितु नेपाल, बर्षा राउत, स्वस्तिमा खडका र स्वरुप पुरुष ढकाल फिचरिङ छन् । भिडियो :
दिपाश्री निरौलाको निर्देशन रहेको फिल्म छक्का पञ्जा २ मा दिपकराज गिरी, प्रियंका कार्की, केदार, जितु, बर्षा, स्वस्तिमा र स्वरुपको मुख्य भूमिका रहेको छ । फिल्म असोज ११ गतेदेखि अल नेपाल रिलिज हुँदैछ । दिपक र उनकी छोरीसँग गरिएको रमाइलो कुराकानी हेर्नुस् :
