सय करोड क्लवको दौडमा ‘सुई धागा’
वरुण धवण र अनुष्का शर्माको स्टार फिल्म ‘सुई धागाः मेड इन इन्डिया’ले बक्स अफिसमा तहल्का मचाईरहेको छ । फिल्मले ५ दिनमा ५५ करोड भन्दा धेरै कमाइ गरेको छ । मंगलबार गान्धी जयन्तीको छुट्टीको फाइदा उठाउँदै सय करोडको क्लबमा दौड्दै छ, अनुष्का र वरुणको सुई धागा ।
२५ करोडको बजेटमा बनेको फिल्म कमाईको हिसाबले हेर्ने हो भने पनि यो फिल्म सुपरहिट सावित भएको छ । सुई धागा फिल्मलाई २५०० स्क्रिनमा रिलिज गरिएको थियो । टे«न्ड एनालिस्ट तरण आदर्शको अनुसार शुक्रबार फिल्मले ८.३० करोड, शनिबार १२.२५ करोड, आइतबार १६.०५ करोड, सोमबार ७ करोड र मंगलबार ११.७५ करोड कमाएको छ । घरेलु बक्स अफिसमा अहिलेसम्म भारतिय ५५.३० करोडको बम्पर कमाई गरेको हो । सुई धागासँगै रिलिज भएको विशाल भारदवाजको फिल्म ‘पटाखा’ बक्स अफिसमा निकै पछि परेको छ ।
त्यसैगरी बक्स अफिसमा श्रद्धा कपुरको ‘स्त्री’ लगातार अगाडि बढि रहेको छ । लामो समय बितिसक्दा पनि स्त्रीको जादु दर्शक माझ उत्तिकै छ । तरण आर्दशले पाँचौ हप्ताको स्त्रीको कमाई शेयर गरेका छन् । बक्स अफिसमा पाँचौ हप्ताको शुक्रबार ५२ लाख, शनिबार ८८ लाख, आइतबार १.५१ करोड, सोमबार ६१ लाख, मंगलबार १.२४ करोड कमाएको छ । भारतिय बजारमा अहिले सम्म स्त्रीले १२७.४२ करोड कमाएको छ ।
