‘रुद्र’ रिलिज हुने एक हप्ता अगाडी नै हलमा पुगे निखिल
सामान्यतः फिल्म प्रदर्शन भएपछि फिल्म युनिट हल घुम्ने गर्दछ । तर फिल्म ‘रुद्र’ युनिट भने फिल्म प्रदर्शन अगावै हलहल पुगेको छ । नायक निखिल उप्रेतीलाई लिएर रुद्र टिम बनेपाको हलदेखि राजधानीका गोपिकृष्ण, अष्टनारायण, गुण र पुष्पाञ्जली हलहरुमा पुगेको थियो । ‘रुद्र’ साउन १३ गतेदेखि प्रदर्शनमा आउँदैछ ।
‘फिल्म आउँदैछ भनेर जानकारी दिन पनि हामी हलहल घुमेका हौं’, निर्देशक रामजी लामिछानेले भने, ‘रुद्रको प्रतिक्षामा दर्शकहरु हुनुहुन्छ ।’ ‘रुद्र’ मा नायक उप्रेती पहिलो पटक खलनायकको भूमिकामा प्रस्तुत भएका छन् । निखिलसँगै फिल्ममा नव कलाकार विश्व शर्मा र सारा शेर्पालीको मुख्य भूमिका रहेको छ । विश्व र सारासँग गरिएको रमाइलो कुराकानी हेर्नुस् :
यस्तै फिल्म ‘रुद्र’ ले सेन्सर वोर्डबाट पिजी प्रमाण पत्र पाएको छ । द्धन्द्धको दृश्यले गर्दा फिल्म उक्त प्रमाण पत्र पाएको निर्देशक लामिछानेले बताए । पिजी प्राप्त फिल्म हेर्न १६ वर्ष मुनिका दर्शक अभिभावकको साथमा जानुपर्ने हुन्छ ।
