‘रेस ३’ पछि सलमानले रेमोको फिल्म गर्न मानेनन्

सलमान खानको ‘रेस ३’ बक्स अफिसमा ब्ल्कबस्टर हुन सकेन । उनको फिल्मप्रति दर्शक निकै आशावादि हुन्छन् । तर उनको ‘रेस ३’ले दर्शकलाई निराश बनायो । रेस ३ लाई रेमो डिसुजाले निर्देशन गरेका थिए ।

‘रेस ३’ रिलिज हुनु भन्दा पहिला बाबु छोराको इमोशनल सम्बन्धमा आधारित फिल्मको स्क्रिप्टमा काम गर्ने भनेर सलमान र रेमोबीच कुरा भएको थियो । तर रेस ३ असफल भएपछि यो फिल्ममा काम गर्न बाट सलमान तर्किएका छन् । रेमोले भने ‘यो फिल्मको स्क्रिप्ट सलमानलाई रेस ३ भन्दा पछिला नै सुनाएका थिए । सलमानलाई कहानी पनि मन परेको थियो र फिल्म बनाउनलाई हुन्छ पनि भनेका थिए तर अहिले यो फिल्मलाई रोकेका छन् ।’

सलमानले ‘ट्युवलाइट’मा बाल बुद्धि भएको बच्चाको भुमिका निभाएको थिए । अहिले बच्चाको भूमिका गर्नु उचित हँुदैन भन्दै तर्किएका छन् । रेस ३ भन्दा पहिला नै यो फिल्मको लागि स्टारहरु पनि कास्ट गरिसकेको रेमोले बताए । रेमोले भने ‘फिल्मको लोकेशन पनि फाइनल भएको थियो । फिल्मको अनाउन्समेन्ट पनि गर्ने निर्णय भइसकेको थियोे ।’

रेस ३ को ट्रेलर आउने बित्तिकै दर्शकले फिल्मलाई बकवास भन्न सुरु गरेका थिए । यो फिल्म रिलिज भए पछि दुनियाँको १०० खराब फिल्ममा सामेल भयो । फिल्मको विषयवस्तुलाई लिएर निर्देशक रेमोको निकै आलोचना भयो । रेमोको तुलनामा सलमानले कम आलोचना खेपेका थिए ।