व्यापार बढाउँदै आयुष्मान र तब्बु को ‘अन्धाधुन’
श्रीराम राघवनले निर्देशन गरेको फिल्म ‘अन्धाधुन’ ले सोमबार तीन करोड ४० लाख कलेक्सन गरेको छ । अन्धाधुनको लागि यो ठुलो रेकर्ड हो । फिल्मले दुई करोड ७० लाख रुपैयाँमा ओपनिङ्ग गरेको थियो ।
पहिलो सोमबारको कलेक्सनमा साधरणतया फिल्मको व्यापार घट्दै जान्छ । तर यो फिल्मले चौथो दिन करिब २६ प्रतिशत नाफा कमाएको छ । यो फिल्म बनाउँनको लागि २२ करोड खर्च भएको थियो । अहिलेसम्म फिल्मले घरेलु बक्स अफिसमा भारतिय १८.४० करोड जम्मा गरेको छ ।
फिल्म अन्धाधुन एक नेत्रहीन पियानो प्लेयरको कहानीमा आधारित रहेको छ । एक व्यक्तिले आफनो घरमा कन्सर्ट राख्ने ईच्छा राख्छन् । त्यस व्यक्तिको घरमा पियानो बजाउँन जादा मर्डर हुन्छ र नेत्रहीन आयुष्मान खुरानालाई दोष आउँछ । यसैबीच घुमेको सस्पेन्स कहानीलाई दर्शकले निकै रुचाएका छन् । फिल्ममा आयुष्मान खुराना, राधिका आप्टे र तब्बूको मुख्य भुमिका रहेको छ ।
