ऐश्वर्यसँग काम गर्न चाहन्छन् हलिउड स्टार विल स्मिथ
हलिउड स्टार विल स्मिथ केहि समय अघि बलिउड अभिनेता अक्षय कुमारको पार्टीमा सहभागी भएका थिए । उनले करण जोहरको टक शो ‘कफी विद करण’मा पनि सहभागीता जनाए ।
एक कार्यक्रममा हलिउड स्टार विल स्मिथले बलिउडमा डान्सको सिक्वेन्समा अभिनेत्री ऐश्वर्य रायसँग काम गर्ने इच्छा व्यक्त गरेका छन् । त्यस कार्यक्रममा उनी करण जोहर, रणवीर सिंह, र अक्षय कुमारको साथमा रमाइलो गरेका थिए । विल स्मिथले सामाजिक सञ्जालमा कार्यक्रमको फोटो पनि पोस्ट गरेका छन् । विल करण जोहरको प्रोडक्शनमा बन्न लागेको फिल्म ‘स्टुडेन्ट अफ द ईयर २’ मा छोटो भुमिकामा देखिने छन् । यो फिल्ममा मुख्य भुमिकामा तारा सुतारा, अनन्या पाण्डे र टाइगर श्राफ रहेका छन् ।
