सैफ अली खान बलिउडमा उत्पीडनको शिकार !
बलिउडमा ‘मिटु’ अभियान मार्फत नयाँ पुराना कलाकारहरु आफुमा भएको घटनाबारे खुलाउँदै आएका छन् । अभिनेता सैफ अली खानले यस अभियानलाई समर्थन गरेका छन् । उनले आफुमा भएको २५ वर्ष अगाडिको उत्पीडनको खुलासा गरेका छन् ।
उनले भने, ‘म पनि दुरव्यवहारको शिकार भएको छु, तर यौन दुरव्यवहार भने होइन । यसको बारेमा सोच्दा आज पनि उत्तिकै रिस उठेर आउँछ । धेरै मान्छेहरु अरुलाई बुझदैनन्, अरुको दुःख बुझन धेरै गाह्रो हुन्छ । यस बारेमा कुरा गर्न चाहन्नं, आज महिलाहरुलाई ध्यानमा राख्न जरुरी छ ।’ आफुमाथि भएको उत्पीडनलाई धेरै नखुलाई उनी यौन दुरव्यवहारको कुरामा मोडिएका छन् ।
उनले भने ‘आरोपीलाई सजाय हुनुपर्छ । पुरानै केशमा पनि दोषी सावित भयो भने सजाय पाउँनै पर्छ । अहिले जे भैरहेको छ त्यो सहि होइन । जुन महिलाले यौन उत्पीडन भोगेका छन् उनीहरुले न्याय पाउनुपर्छ ।’
