यौन दुरव्यवहारमा फसेका चेतन भगतले प्रमाण पेश गरे
साहित्यकार चेतन भगतलाई फिल्म कथा लेखक इरा त्रिदेवीले यौन दुरव्यवहारको आरोप लगाएकी छन् । इराले एक लेखमा चेतनले आफूलाई कोठामा बोलाएर किस गर्न खोजेका थिए भन्ने उल्लेख गरेकी छन् ।
चेतनले इराको इमेल सार्वजनिक गर्दै लेखे, ‘को कसलाई चुम्बन गर्न चाहन्थ्यो ? सन् २०१३ को इमेल, जुन उनले मलाई पठाएकी थिइन् । खासगरी अन्तिम वाक्य । यसबाट सजिलै थाहा हुन्छ, उनको २०१० मा भएको कुरा गलत हो । यो उनलाई पनि थाहा छ । कृपया गतल आरोप लगाएर आन्दोलन गरी क्षति नपुर्याइदिनुहोला !’
यसबारेमा इराले स्पष्ट पार्दै भनिन्, ‘उनले एक कार्यक्रमको एक प्रश्नमा आफ्नो १०० किताब किन्नेलाई किस गर्छु र सबै किताब किन्नेसँग विवाह गर्छु भनेकी थिए । तर, उनले यो प्रतिबद्धता पालना गरेनन् ।’ हल्का रूपमा भनिएको यो कुरालाई नै आधार मानेर चेतनले आफुलाई किस गर्ने हक भएको बुझेको पनि हुन सक्ने इराको दाबी छ ।
मिटु अभियानमा चेतन भगतमाथि यो भन्दा पहिले पनि आरोप लागेको थियो । अन्य आरोपमा पहिले त उनले माफी मागे, तर पछि महिलाहरूलाई ‘पोर्न राइटर’ भन्ने आरोप लगाएका थिए । चेतनले आरोपका कारण आफूलाई धेरै बेफाइदा भएको र आफूले नयाँ किताब द गर्ल इन रुम नं १०५ को प्रचार गर्न नपाएको बताएका छन् ।
