काजोलको ‘हेलिकप्टर ईला’ बक्स अफिसमा सुस्त
बलिउडमा दुई ठुला स्टार गोविन्दाको ‘फ्रायडे’ र काजोलको ‘हेलिकप्टर ईला’ रिलिज भएको छ । उनका साथै दुईटा फिल्म ‘जलेबी’ र ‘टुन्बाड’ रिलिज भयो । तर चार वटा फिल्म मध्ये एउटा फिल्मले पनि एक करोडमा ओपनिङ गर्न सकेन ।
‘दिलवाले’ पछिको फिल्ममा कमब्याक गरेकी काजोलको फिल्मले बक्स अफिसमा खासै कमाल देखाएको छैन । फिल्मले पहिलो दिन ७५ लाख मात्र बक्स अफिसमा जम्मा गरेको छ । ७५ लाखमा ओपनिङ गरेको फिल्मले शनिबार १.३० करोड कमायो । तर फिल्मको कमाइ सुस्त रुपमा अगाडि बढेको छ । एकल आमा र छोराको सम्बन्धमा आधारित फिल्मलाई समिक्षकहरुले मन पराएपनि दर्शकले रुचाएन्न । फिल्ममा ईलाको भुमिका काजोलले निभाएकी छन् भने उनको छोराको भमिका रिद्धी सेनले निभाएका छन् । प्रदिप सरकारले निर्देशन गरेको फिल्मलाई अजय देवगनले निर्माण गरेका छन् ।
गोविन्दाको कमेडि फिल्म ‘फ्रायडे’को पनि खासै प्रभावकारी देखिएको छैन । फिल्मले ३ दिनमा जम्मा १.१० करोड कलेक्शन गरेको छ । यो फिल्मको बजेट १५ करोड हो । गोविन्दाको फिल्म ‘फ्रायडे’ले पहिलो दिन जम्मा ४० लाखबाट ओपनिङ गरेको छ । भिषेक डोगराले निर्देशन गरेको फिल्म फ्रायडेबाट गोविन्दाले फिल्ममा कमब्याक गरेका हुन् । बलिउडमा फेरि एक नम्बर रहनलाई कोशिस गरेका गोविन्दालाई दर्शकले रुचाएन्न । फिल्ममा गोविन्दासँगै संजय मिश्रा र वरुण शर्माको पनि मुख्य अभिनय रहेको छ ।
‘टुन्बाड’ले तीन दिनमा २.७६ करोड कलेक्शन गरेको छ भने जलेबीले तीन दिनमा १.६५ करोड कमाएको छ ।
