दीपिका र रणवीरले रोजे विवाहको लगन

बलिउड अभिनेत्री दीपिका पादुकोण र अभिनेता रणवीर सिंहको विवाह मिति तय भएको छ । उनीहरुले नोभेम्बर १४ र १५ तारिख विवाहकोे मिति सार्वजनिक गरेका छन् । सार्वजनिक मितिमा दुई दिन राखिएको हुदाँ कुनै एक दिन रिसेप्सन पार्टी पनि सक्ने अनुमान छ ।

उनीहरुले आफनो विवाहमा ३० जनालाई मात्र बोलाउने कुरा पहिलै मिडियामा सार्वजनिक गरिसकेका छन् । त्यस कारण यो निमन्त्रणा पार्टीको दिनलाई लक्षित गरेर सार्वजनिक गरिएको हो । विवाहपछि भारत आएर रिसेप्सन पार्टी दिने बताइएको छ । साथै एउटा रिसेप्सन पार्टी मुम्बईमा र अर्को बैंगलोरमा हुने भारतिय मिडियामा उल्लेख छ ।
रणवीर र दीपिका दुवैले हिन्दी र अंग्रेजीमा लेखिएको निमन्त्रणा ट्वीटरबाट सार्वजनिक गरेका छन् । निमन्त्रणामा लेखिएको छः–

‘हाम्रलाई यो कुरा भन्न धेरै खुसी लागेको छ की हाम्रो परिवारको आशिर्वादले हाम्रो विवाह १४ र १५ नोभेम्बर, सन् २०१८ मा हुँदैछ ।

यतिका वर्षसम्म तपाईहरुले हामीलाई जसरी माया र स्नेह दिनुभयो त्यसको लागि हामी आभारी छौँ, हाम्रो शुरु हुन लागेको प्रेम, मित्रता र विश्वासको यो शुभ यात्राको लागि हामी तपाईकोे आशिर्वादको कामना गर्द छौँ ।
धेरै धेरै माया
दीपिका र रणवीर

उनीहरु इटलीमा सँगै भेटिएपछि उनीहरुको विवाह हुन लागेको हल्ला चलेको थियो । त्यतिबेला उनीहरु विवाह गर्ने ठाउँ हेर्न गएको अनुमान लगाइएको थियो । त्यस लगत्तै भारतिय मिडियासँगको एक अन्तवार्तामा रणवीरले भनेका थिए, ‘हामी निश्चित भएपछि विवाहको कहिले हुन्छ भन्ने कुरा सार्वजनिक गर्नेछौं ।’