अक्षयका फ्यान रणवीर ‘कफी विथ करन’ मा सँगै
अक्षय कुमार र रणवीर सिंहले हालै ‘कफी विथ करन’ को छैटौं एपिसोड शुट गरेका छन् । यस कार्यक्रममा उनीहरुले निकै मोज मस्ती गरेको तस्विरमा सार्वजनिक गरेका छन् ।
हालै विवाह मिति तय गरेका रणवीरलाई दीपिकाको नाम लिएर अक्षयले जिस्काउदै भने ‘यो मान्छे सँग बस्न धेरै मुस्किल छ, म दीपिकालाई महान ठान्छु ।’ अक्षय र रणवीरको यो एपिसोड अर्काे हप्ता प्रसारण हुनेछ ।
रणवीर सिंहको २०१६ अगस्तमा बच्चा बेलाको एक फोटो भाइरल भएको थियो । जसमा रणवीर अक्षय कुमारको साथमा देखिएका थिए । यो फोटो रणवीर आफैले सेयर गरेका थिए । उनले अमूल्य अतित । मेरो फ्यानब्याई मोमेन्ट अक्षय कुमारको साथमा । भनेर स्टाटस सहित फोटो पोस्ट गरेका थिए ।
अक्षय कुमार कीमत फिल्मको शुटिङ गरिरहेको बेलामा १३ वर्षको रणवीर बाहिर उभिरहेका थिए । अक्षयले रणवीरलाई देखेपछि सेकुरेटी गार्ड भित्र बोलाउन आग्रह गरेर अक्षयले रणवीरसँग अटोग्राफ सहित फोटो पनि खिचेका थिए ।
