‘ठग्स अफ…’को नयाँ टिजर : कैटरिनाको गीत हलमा मात्रै

‘ठग्स अफ हिन्दोस्तान’ को दास्रो टीजर सार्वजनिक भएको छ । दमदार डाइलगको साथै ‘सुरैया जान लेगी’ गीतलाई पनि टीजरमा समावेश गरिएको छ । गीतको टिजरमा आमिर खान र कैटरिनाको नृत्य रहेको छ ।

‘सुरैया जान लेगी’ बोलको गीत कैटरिनाको सोलो ट्रयाक रहेको छ तर फिल्ममा आमिर र फातिमासँग पनि डान्स नम्बर गीतमा उनको नृत्य रहेको छ । गीतमा विशाल दलानी र श्रेया घोषालले स्वर दिएका छन् भने कोरियोग्राफी प्रभुदेवाको रहेको छ । यो भिडियोको अन्त्यमा लेखिएको छ, ‘गीतको फुल भर्सन केवल थिएटरमा मात्रै देख्न पाइनेछ ।’ यो गीतको सुटिङ एकदमै भव्यसँग गरिएको थियो । यस प्रकारको ट्राइवल डान्स यसभन्दा पहिले कुनै फिल्ममा देखिएको छैन् । यो गीत नै फिल्मको प्रमुख टर्निङ प्वाइन्ट हो । भिडियो : 

फिल्ममा आमिर फिरंगीको भुमिकामा देखिनेछन् । आमिरको साथै फिल्ममा कटरिना कैफ, अमिताभ बच्चन र फातिमा सना शेखको पनि मुख्य भुमिका रहेको छ । १८ औं शताब्दीको कथा समेटिएको फिल्म तीन भाषामा रिलिज गरिने छ । हिन्दीको साथै तामिल र तेलगु भाषामा पनि फिल्मलाई डबिङ गरिएको छ । फिल्म नोभेम्बर ८ मा रिलिज हुने भएको छ ।