चिनमा रुचाइयो रानीको ‘हिच्की’, कमाइ २ सय करोड
रानी मुखर्जीको मुख्य भुमिका रहेको फिल्म ‘हिच्की’ले भारतीय दुई सय करोड कमाएको छ । फिल्मले भारतमा ५८ करोड रुपैयाँ बक्स अफिसमा जम्मा गरेको थियो । भारतमा सफलता पाएपछि फिल्मको विभिन्न देशमा प्रर्दशन गरियो ।
रानीको ‘हिच्की’ लाई चिनमा पनि देखाइएको छ । चिनमा यो फिल्मले धेरै कलेक्सन गर्न सफल भएको छ । चिनमा मात्रै यो फिल्मले एक सय पाँच करोड कमाइ सकेको छ जबकी फिल्मको लगानी नै १२ करोड हो । चिन बाहेक अन्य देशबाट २० करोड कलेक्शन गरेको छ ।
१२ करोडमा बनेको फिल्मले दुई सय करोड कमाउनु भनेको रानी मुखर्जीको लागि निकै ठूलो उपलब्धी हो । आदित्य चोपडाले निर्माण गरेको फिल्ममा रानी मुखर्जी बाहेक कोहि चर्चित कलाकार छैनन् । यो फिल्ममा बोल्दा अड्कने एक शिक्षिकाको कहानीलाई देखाइएको छ ।
विभिन्न समस्या हुँदाहुँदै पनि सफल शिक्षिका भएको कहानीलाई चिनमा निकै रुचाइएको छ ।
