सुनिल रावल र स्यारोनबिच मेलमिलाप,सर्त यस्तो राखियो
चलचित्र निर्माता सुनिल रावल र नायिका स्यारोन श्रेष्ठबिच मेलमिलाप भएको छ । दुवै पक्षका पारिवारिक सदस्य, चलचित्र निर्माता संघका अध्यक्ष आकाश अधिकारी, कलाकार संघका अध्यक्ष रामकेशर बोगटी तथा अन्य सदस्यहरुको रोहवरमा निर्माता रावल र नायिका श्रेष्ठबिच सोमबार मेलमिलाप भएको हो ।
सुनिल र स्यारोनबीच उत्पन्न असमझदारी र आरोप, टिकाटिप्पणीहरु अन्त्य गर्ने र आगामी दिनमा दुवै पक्षबाट एक अर्काको व्यक्तिगत र व्यवसायिक जिवनलाई लिएर दुवै जनाको मानमर्दनमा आँच आउने खालको अभिव्यक्ति नदिने र नगर्ने सहमति भएकोछ । सुनिल रावलले निर्माण गरेको फिल्म सायद २ मा अभिनय गरेकी नायिका श्रेष्ठले उनलाई विभिन्न खाले आरोप लगाएकी थिइन् ।
