शाहरुखको जन्मदिनमा ‘जिरो’को ट्रेलर रिलिज
शाहरुख खानको ५३ आं जन्म दिनको अवसर पारेर बहुप्रतिक्षित बलिउड फिल्म ‘जिरो’को अफिसियल पोस्टर सहित ट्रेलर सार्वजनिक गरिएको छ । ट्रेलर :
केहि दिन अगाडि सार्वजनिक गरिएको पोस्टरमा शाहरुख खानले एक पोस्टरमा अभिनेत्री कट्रिना कैफसँग र अर्काको पोस्टरमा अनुष्का शर्मासँग रोमान्स गरेका छन् । त्यसै गरी उनको जन्म दिनको अवसर पारेर शाहरुखको सिङ्गल पोस्टर र ट्रेलर सार्वजनिक गरिएको छ ।
ट्रेलरमा शाहरुख खान ह्यिलचियरमा बसेकी अनुष्काको बराबरी हुने भएकोले विवाह बन्धनमा बाधिने निर्णय गर्छन भने कट्रिना कैफलाई मन पराउन पुग्छन । होचो भएपनि ठूलो इच्छा शाहरुखले राखेका छन् ।
आनन्द एल राय निर्देशन गरेको फिल्ममा शाहरुख होचो कदमा देखिएका छन् । होचो कदकै कारण यो फिल्म रोचक हुने अनुमान लगाइएको छ । फिल्ममा शाहरुख खान, कट्रिना कैफ, अनुष्का शर्मा, आर माधवन र कैमियोमा सलमान खान लगायतका कलाकारहरुको अभिनय रहेको छ । दुई सय करोड लगानीमा बनेको फिल्म नयाँ वर्षलाई लक्षित गरेर डिसेम्बर २१ बाट रिलिज हुदैछ ।
