आयुष्मान खुरानाको ‘बधाई हो’ सय करोड क्लबमा
आयुष्मान खुरानाको फिल्म ‘बधाई हो’ सय करोडको क्लबमा पुग्न सफल भएको छ । यो फिल्म आयुष्मानको करियरमै निकै फलदायिक रहेको छ ।
‘बधाई हो’ ले प्रदर्शनको १७ औं दिनमा एक सय करोड कमाएको हो । यो फिल्मलाई दर्शकले निकै रुचाएका छन् । फिल्मले तेस्रो हप्ताको शुक्रबार पनि २.३५ करोड कमाएको छ । शनिबार ३.५० करोड कमाउँदै फिल्मले बक्स अफिसमा १००.१० करोड जम्मा गरेको छ । यो वर्ष खुरानाको लागि निकै राम्रो रहेको छ । यसै वर्ष रिलिज भएको फिल्म ‘अन्धाधुन’ले पनि बक्स अफिसमा राम्रो कमाइ गरेको छ ।
‘बधाई हो’ यो वर्षको सय करोड कमाइ गर्ने फिल्म मध्ये दश नम्बरमा परेको छ । तरण आर्दशले सामाजिक सञ्जालमार्फत २०१८ को सुपरहिट फिल्मको सुची सार्वजनिक गरेका छन् । यो वर्ष दीपिका पादुकोणको अभिनयमा रहेको फिल्म ‘पद्मावत’ पहिलो पटक सय करोडको क्लबमा पुगेको थियो ।
सय करोडको क्लबमा ‘रेड’, ‘बागी २’, ‘राजी’, ‘रेस ३’, ‘सन्जु’, ‘गोल्ड’, ‘स्त्री’ पछि ‘बधाई हो’ पुगेको हो।
