विवादमा फसेको ‘केदारनाथ’ गीत सार्वजनिक
विवादमा फसेको ‘केदारनाथ’ बलिउड फिल्मको पहिलो गीत सार्वजनिक भएको छ । पाँच वर्ष अगाडि केदारनाथमा आएको बाढि पहिरोको कथामा आधारित फिल्मको ‘नमो नमो’ बोलको गीत सार्वजनिक गरिएको छ । भिडियो हेर्नुस् :
अमृत त्रिभेदीको स्वर रहेको गीतमा अमिताभ भट्टचार्यले संगीत भरेका छन् । गीतमा सुशान्त तिर्थालुलाई बोकेर धर्मस्थल सम्म पुर्याउने व्यक्तिको रुपमा देखाइएको छ । फिल्मको टिजर रिलिज सँगै विवादले घेरिएको छ । यो फिल्मलाई केदारनाथको तीर्थ पुरोहित देखि राजनीतिक दलले समेत विरोध प्रर्दशन गरेका छन् । फिल्ममा नायक र नायिका बीच देखाईएको किस सिनलाई लिएर विवाद बढेको छ । केदारनाथ धार्मिक स्थल भएको हुँदा यस्तो दृश्य देखाउनु उचित नभएको भन्दै केदारनाथको पुरोहितहरुले विरोध जनाएका हुन् । उनीहरुले केदारनाथको सतेराखाल, केदारनाथको छेउछाउ र अन्य स्थानमा फिल्मको विरोध प्रर्दशन गरिएका छन् । विरोधमा फिल्मको पोस्टर, निर्देशक, नायक र नायिकाको पुत्ला जलाईको छ ।
अभिषेक कपूरले निर्देशन गरेको फिल्ममा सारा अली खान र सुशान्त सिंह राजपूत जोडिको रुपमा रहेका छन् । सैफ अली खान र अमृता सिंहको छोरी साराको यो पहिलो फिल्म हो । सारा पहिलो फिल्ममै निकै विवादमा परेकी छिन् । यधपी बलिउडमा सारा अभिनयको तारिफ पनि भइरहेको छ ।
