‘ठग्स अफ हिन्दोस्तान’ को ओपनिङ ५० करोड !
भारतमा दिवालीको अवसर पारेर रिलिज हुन लागेको फिल्म ‘ठग्स अफ हिन्दोस्तान’ले पहिलो दिनमा बम्पर ओपनिङ गर्ने ट्रेड एनालिस्ट्सहरुले दाबी गरिरहेका छन् । उनीहरुका अनुसार फिल्मले पहिलो दिनमै ५० करोड व्यापार गर्नसक्छ ।
ओपनिङको पहिलो दिनमा बम्पर कमाईको रेकर्ड अहिलेसम्म शाहरुख खानको फिल्म ‘ह्याप्पी न्यु इयर’ रहेको छ । यो फिल्मले पहिलो दिनमा ४४.९७ करोड कमाएका थियो । दोस्रो नम्बर साउथका सुपरस्टार प्रभासको फिल्म ‘बाहुबली’ को नाममा रहेको छ, जसले ४१ करोडको व्यापार गरेको थियो ।
इन्टरटेन्मेन्ट वेबसाइट बलिउड हंगामाको खबर अनुसार ट्रेड एनालिस्ट्सको विश्लेषण सेयर गरेको छन् । अक्षय राठीका अनुसार फिल्मलाई ठूलो स्टार कास्टका कारण फाइदा पुग्नेछ । तरण आदर्शका अनुसार फिल्मको स्क्रिन काउन्ट, टिकटको मुल्य र स्टार कास्ट फिल्मको एक्स फ्याक्टर हो । जसले गर्दा अहिलेसम्मको सबैभन्दा ठूलो ओपनिङ गर्न सक्छ ।
दुई सय करोडमा बनेको फिल्मले आफनो लगानी चार दिनमै उठाउने धेरैको अनुमान रहेको छ । यो फिल्मको टिकट महंगिएको छ तर यसबारे आफु थाहा नभएको आमिर खानले बताएका छन् । फिल्ममा मल्टिस्टार अमिताभ बच्चन, आमिर खान, कट्रिना कैफ, फातिमा सना शेखको मुख्य अभिनय रहेको छ ।
