‘ब्लाइन्ड रक्स’ मा वेनिशाको दुई अवतार
दुवै आँखाको ज्योती गुमाएकी सृष्टि केसीको जीवनी माथि बनेको फिल्म ‘ब्लाइन्ड रक्स’ को फस्ट लुक्स रिलिज भएको छ । मिलन चाम्सको निर्देशन रहेको फिल्मको सार्वजनिक पोस्टरमा नायिका वेनिशा हमाल दुई भिन्न अवतारमा प्रस्तुत भएकी छिन् ।
‘ब्लाइन्ड रक्स’ को एक पोस्टरमा वेनिशा गीत गाउँदै गरेको अवस्थामा छिन भने अर्कोमा सेतो छडीमा छिन् । उनले कालो चस्मा पनि लगाएकी छिन् । निकेश लिम्बुको लगानीमा बनेको फिल्म ब्लाइन्ड रक्समा वेनिशासँगै अर्पण थापा, गौरी मल्ल, अनिल केशरी शाह लगायत कलाकारहरुको अभिनय रहेको छ ।
नवराज कृष्ण थापाको छायाँकन रहेको फिल्ममा तारा प्रकाश लिम्बु, हरी लम्साल, कल्याण सिंहको संगीत छ भने याम थापा र सुमन उप्रेतीको स्क्रिप्ट छ । पौष २८ गतेदेखि प्रदर्शनमा आउने फिल्म ब्लाइन्ड रक्सको अगस्ट ५ तारिखमा युकेमा रेड कार्पेट हुँदैछ ।
