स्पाईडर म्यानका स्क्रिप्ट राइटर स्टेन लीको निधन
दुनियाँलाई स्पाइडर म्यान र हल्क जस्तो सुपरहिरो दिने स्क्रिप्ट राइटर स्टेन लीको ९५ वर्षको उमेरमा निधन भएको छ । स्टेन लीले सोमबार लस एन्जलसको प्राइभेट हस्पिटलमा अन्तिम सास फेरेका थिए ।
केहि समय देखि बिरामी परेका स्टेनको उपचारको क्रममा मुत्यु भएको छ । १९२२ डिसेम्बर २८ मा जन्मिएका स्टेन कमिक पुस्तकको लेखक हुन् । स्टेन लीको मृत्युको खबर सोमबार उनको छोरी जे.सी लीले समाचार संस्था रोयटर मार्फत सार्वजनिक गरेकी छिन् । समाचार संस्था रोयटर्सलाई उनले भनिन्, ‘मेरो बुवाले आफ्ना प्रशंसकहरुका लागि रचना गरिरहनुपर्ने दायित्व महसुस गर्नुभयो ।’
स्टेन लीलाई सामाजिक सञ्जालमार्फत श्रद्धांजली दिइरहेका छन् । मार्वल कमिक्सले पनि आफ्नो वेभसाइट मार्फत श्रद्धांजली दिएको छ । स्टेनले स्पाइडर म्यान, द एक्स म्यान, द माइटी थार, आइरन म्यान जस्तो क्यारेक्टरलाई जन्म दिएका छन् । स्टेन लीले १७ वर्षको देखिनै सुपरहिरो र मिस्टी क्यामिक्सको लागि स्क्रिप्ट्स लेख्न सुरु गरेका थिए । तीन दर्शक भन्दा बढि समय सम्म स्क्रिप्ट लेखेपछि १९७२ मा मार्वल कमिक्सको पब्लिसर बनेका थिए ।
