भन्सालीको फिल्ममा शाहरुख र सलमान !
भारतिय मिडियामा सलमान खान र शाहरुख खान एक साथ फिल्ममा देखिने चर्चा चलिरहेको छ । सञ्जय लीला भन्सालीको फिल्ममा सलमान र शाहरुख हुने खबरले उनीहरुको फ्यान निकै उत्साहित भएका छन् ।
एक अन्तरवार्तामा किंग खानले भने ‘अहिले म एउटै फिल्मलाई फोकस गरिरहेको छु । राकेश शर्माको बायोपिकमा बन्न लागेको फिल्म ‘सेल्यूट’ मेरो पहिलो प्राथमिकता हो । यो फिल्म सकेर मात्र अरु प्रोजेक्टमा हात हाल्छु ।’ शाहरुख खानको ‘जिरो’ फिल्म डिसेम्बर २१ मा प्रर्दशनीको तयारीमा रहेको छ । उनी यो फिल्म रिलिजसँगै सेल्यूट फिल्मको छायांकनमा व्यस्त रहने छन् । तर शाहरुखले पनि भन्सालीको फिल्म गर्न सक्ने संकेत दिएका छन् भने सलमान खानले पनि सकारात्मक प्रतिक्रिया दिएका छन् ।
शाहरुखले भन्सालीको फिल्म ‘देवदास’मा अभिनय गरिसकेका छन् त्यसैले पनि शाहरुख भन्सालीलाई नकार्न सक्दैनन । यहाँ सम्म की शाहरुखले आफनो छोरीको फिल्ममा डेब्यु गराउने जिम्मा समेत भन्सालीलाई सुम्पिएका छन् । सलमान खानलाई ‘रेस ३’ मा नकारात्मक प्रतिकिया आएपछि उनलाई पनि रामो फिल्मको आवश्यकता रहेको छ ।
दुई खान एकै कार्यक्रममा भेट्दासम्म फ्यानहरु निकै उत्साहित देखिन्छन् भने फिल्ममा एक साथ आउँदा बक्स अफिसमा तहल्का मच्याउने पक्का छ । तर यी नायकको सहकार्यमा फिल्म बन्छ कि बन्दैन त्यो भने प्रतिक्षा गर्नु पर्नेछ ।
