धुर्मुस र सुन्तलीले पाए ‘नमुना नेपाल’ बनाउने जमिन
धुर्मुससुन्तली फाउण्डेशनले निर्माण गर्ने ‘अब विश्वले चिन्नेछ नेपाल, नेपाल भित्रको नेपाल नमुना नेपाल’ ललितपुर जिल्लाको गोदावरी नगरपालिका वडा नं. ५ को लेले स्थित खाँवा डाँडामा फेला बन्ने भएको छ । विभिन्न जिल्लाका २२ ठाउँको अवलोकन पश्चात यस गोदावरी नगरपालिका, सम्पुर्ण राजनैतिक दल, गोदावरी नगरपालिका वडा नं. ५ का सम्पूर्ण स्थानिय बासिन्दा साथै श्री सत्य सामुदायिक बन उपभोक्ता समिति र लालिगुराँस वन उपभोक्ता समितिको सहमतीपछि उक्त ठाउँमा नमुना नेपाल बन्ने भएको हो ।
यसका साथै फाउण्डेशनले सम्पुर्ण ललितपुरबासीको सहमति सहित संस्कृती पर्यटन तथा नागरिक उड्डयन मन्त्रालय मार्फत सरकारलाई प्रश्तावना पनि पेश गरिसकेको फाउण्डेशनका अध्यक्ष सिताराम कट्टेलले जानकारी गराएका छन् । ‘सबैको साझा प्रयासले तोकिएको समयमा नमुना नेपाल बन्नेछ’, अध्यक्ष कट्टेलको विश्वास छ । पाँच अरबको यो नमुना नेपाल बनाउने योजना संसदबाट पास भए लत्तगै कार्य सुरु हुनेछ ।
