आमिर खान ‘महाभारत’ मा कृष्णको भूमिका गर्ने
बलिउडकै बहुप्रतिक्षित फिल्म ‘ठग्स अफ हिन्दोस्तान’ फल्प भएपछि आमिर खानले आफनो ड्रिम प्रोजेक्ट ‘महाभारत’ फिल्ममा काम गर्न ईच्छा देखाएका छन् । आमिरको फिल्म ठग्स अफ हिन्दोस्तानको व्यापार लगभग ठप्प नै भइसकेको छ ।
केहि समय अगाडि आमिर अभिनयबाट ब्रेक लिदैछन् भन्ने खबर बाहिरिएको थियो । तर महाभारत ठूलो प्रोजेक्ट भएकोले र धार्मिक कथामा बन्ने हुँदा फिल्म चल्ने आशमा आमिरले फिल्ममा अभिनय गर्ने सोच बनाएका छन् । यो फिल्ममा आमिर कृष्णको भुमिकामा देखिने छन् । आमिरले फिल्मको तयारी पनि सुरु गरिसकेका छन् । आमिर खानको फिल्म महाभारत तिन श्रंखलामा आधारित भएर तयार पारिदैछ । यसको लागि अहिले हरेक किताबहरु अनुसन्धान गरिदैंछ । यो फिल्ममा द्रौपती पात्रलाई बलियो रुपमा प्रस्तुत गरिने छ ।
आमिर भारत फिल्ममा आवद्ध हुने भएपछि विवादमा फसेका ओशोको बायोपिक फिल्म पछाडि सरेको छ । यो फिल्मलाई शकुन बत्रा निर्देशन गर्दैछन् भने करण जोहरले निर्माण गर्न लागेका हुन । फिल्ममा आलिया भट्ट आनन्द शिलाको भुमिका निभाउँदै छिन् ।
