इटलीको सिख संगठनद्वारा दीपवीर विवाहको बिरोध

रणवीर सिंह र दीपिका पादुकोणको १५ नोबेम्बरमा इटलीस्थित लेक कोमोमा सिन्धी रितिरिवाज अनुसार भएको विवाहमा विरोध आएको छ । विवाहमा आनन्द कारजको इटलीको सिख संगठनले आपत्ति जनाएका छन् । संगठन लेक कोमोबाट १५० किलोमिटर दुरी भएको ब्रेसिया गुरुद्धारेबाट गुरु ग्रन्थ साहिब मागे पछि विरोध गरेका हुन ।

इटालियन सिख संघ संस्थाको अध्यक्ष सुखदेव सिंहले भने, ‘अकाल तख्तको नियम अनुसार गुरुद्धारे बाहेक गुरु ग्रन्थ साहिब अरु ठाँउमा लान मिल्दैन । यो होटल अथवा अरु ब्याक्वेट कहि पनि लैजाने अनुमति छैन ।’ उनले यसको लागि गुरुद्धारको व्यवस्थापकलाई गल्तीको जिम्मेदार मानेका छन् । रणवीर र दीपिकाको विवाह गराउनको लागि अमृतसरको स्वर्ण मन्दिरबाट नरिन्दर सिंह इटली गएका थिए ।

सिन्धी रिवाज अनुसार विवाह भइरहेको बेलामा दीपिका भावुक भएको खबर मिडियामा बाहिरिएको छ । सात फेरा गरिरहेको बेलामा अन्तिम फेरोमा जब दीपिकाले आफ्नो बाबु प्रकाश पादुकोणलाई हेरिन् । त्यति बेला दीपिकाले आफुलाई सम्हाल्नै नसकेर रोएकी थिइन् । उनको बाबुको पनि आँखामा आँसु देखेपछि बाबुछोरी निकै बेरसम्म अंकमाल गरेर रोएका थिए । दीपिका र रणवीरको २१ नोबेम्बरका बेंगलुरु र २८ नोबेम्बरमा मुम्बईमा रिसेप्सन पार्टी हुँदैछ ।