बिग बि र दीपिका बलिउडकै प्रभावशाली व्यत्तित्व
बलिउडका बिग बि अमिताभ बच्चन र अभिनेत्री दीपिका पादुकोण बलिउड र खेलको सेलिब्रेटी मध्ये प्रभावशाली व्यत्तित्वको रुपमा छानिएका छन् । २०१८ को यो सूचांक अन्तर्राष्ट्रिय डाटा एनालिस्ट कम्पनी युगोवको आंकडामा आधारित छ ।
यसमा बलिउड र खेल गरी करिब ६० जना सेलिबे्रटी समावेश गरिएको थियो । ६० जना सेलिबेटीलाई लिएर आमजनताहरुको धारणा अनुसार तयार पारिएको हो । भारतमा १ हजार ९४८ जना प्रतियोगीले यो सर्वेक्षणमा भाग लिएका थिए । कलाकारहरु र खेलाडीको आफनो क्षेत्रमा प्रभाव, जागरुकता र समानताको अध्यायन मार्फत यो सर्वेक्षण गरिएको थियो ।
अध्ययनमा स्वास्थ्य सेवा एवम् सौन्र्दय, फेशन, खाद्य पदार्थ, पिय पदार्थ र यात्रा तथा वित्तीय सेवालाई समावेश गरिएको छ । युगोवको बयान अनुसार ‘शिर्ष दश व्यक्तिको सूचीमा बलिउड कलाकार र खेलाडीको राज छ । अहिले दीपिका पादुकोणले उच्च स्थान बनाउन सफल भएकी छन ।’
सुचीमा पहिलो स्थानमा अमिताभ बच्चन छन् । त्यसपछि दोस्रो स्थानमा दीपिका पादुकोण छिन् । महेन्द्र सिंह धोनी तेस्रो, सचिन तेन्दुलकर चौथो, अक्षय कुमार पाँचौं, विराट कोइली छैटौं, आमिर खान सातौं, शाहरुख खान आठौं, आलिया भट्ट नवौं र प्रियंका चोपडा दशौं नम्बरमा छन् ।
