यस्तो छ सभासद सिन्धुको राष्ट्रिय भाव र तीज गीत
सभासद समेत रहेकी सिन्धु जलेशा बुढाथोकीले राष्ट्रिय भाव र तीज गीत ल्याएको छिन् । सिन्धु आफ्नै शब्द तथा स्वर रहेको यी दुई गीतका भिडियो समेत तयार भएको छ । एमाले नेता प्रदीप ज्ञावलीको प्रमुख आतिथ्यमा बुधबार दुई भिडियो सार्वजनिक गरियो ।
भिडियोहरु हेरेपछि नेता ज्ञावलीले सिन्धुको सृजनाको प्रशंसा गरे । यस्तै फिल्म निर्देशक तथा निर्माता संघका अध्यक्ष आकाश अधिकारीले सिन्धुले गाएको दुई गीतले दर्शक तथा श्रोताको मन छुने विश्वास व्यक्त गरे । अर्का कंग्रेस नेता देवेन्द्रराज कंडेलले सिन्धुको गीत सफलताको कामना गरे । सिन्धले सबै दर्शक तथा श्रोतालाई गीतको भिडियो हेरेर प्रतिक्रिया दिन आग्रह गरिन् । राष्ट्रिय भावको भिडियो :
राष्ट्रिय भावको भिडियोलाई रामशरण कोइरालाले निर्देशन गरेका छन् भने सम्पादन भूपेन्द्र अधिकारीको छ । शिव पंगेनीको छायाँकन रहेको भिडियालाई रेनेश फागोले रंग संयोजना गरेका छन् । तीज गीतको भिडियोलाई पनि यही समुहले निर्माण गरेको हो । तीज गीतको भिडियो :
