अनिता लिम्बुको ‘यो जीन्दगी’ आयो
मोडल तथा बेलि डान्सर अनिता लिम्बुको अर्को परिचय पनि थपिएको छ । आफ्नै शब्द र स्वरमा अनिताले ‘यो जिन्दगी’ बोलको गीत सार्बजनिक गरेर गायिकाको परिचय थपेकी छिन् । गीतमा आफैंले मोडलिङ गरेर आकर्षक दृश्य समेत दिएकी छन् । चोभार, लाजिम्पाट लगतायका स्थानमा छायाकंन गरिएको गीत आधुनिक पप फ्लेवरमा तयार भएको छ । भिडियो यस्तो छ :
नितिन चन्दको निर्देशन र छायाँकन रहेको भिडियोमा लागि सरिन पोखरेलले कोरियोग्राफी छ । भिडियोको सम्पादन रुपेश खड्काले गरेका हुन् । अंग्रेजी तथा अफ्रिकन गीतमा समेत मोडलिङ गरिसकेकी लिम्बुले प्रिती आलेको स्वरमा रहेको ‘मन त नेपाली हो’ भन्ने भिडियोमा यसअघि सोलो डान्स प्रस्तुत गरेकी छन् । बेलायत बस्दै आएकी अनिताले एक अफ्रिकन गायकको ‘लेमोन्ट चितेपो’ मा समेत मोडलिङ गरिसकेकी छन् ।
