‘राजनीतिमा आएँ भने मेरो बोलीलाई असर गर्छ’: कंगना
बलिउड अभिनेत्री कंगना रनावतले राजनीति पार्टीसँग आवद्ध हुने विषयमा बोलेकी छन् । उनले धेरै राजनीतिक पार्टीबाट राजनीतिमा सामेल हुनको लागि अफर आएको खुलाइन् ।
कंगना आफ्नो हरेक कुरा खुलेरै राख्छिन् । उनको कुराले धेरै व्यक्तिहरुमा असर परेको हुन्छ । तर कंगनाले कुनै पनि पार्टीमा सामेल नहुने बताएकी छन् । उनले भनिन्, ‘मेरो हजुरबुबाले सरजू सिंह राजपूत हिमाचल प्रदेशमा राजनीतिमा आवद्ध हुनुहुन्थ्यो । उहाँको पार्टीले पनि मलाई सामेल गर्नको लागि आग्रह गरेका थिए । उहाँहरुले मलाई ठूलो पद पनि अफर गरेका थिए । यदि म राजनीतिमा आए भने मलाई थाहा छ, मेरो आवाजले हरेक व्यक्तिलाई असर पार्छ । तर एक पटक राजनीतिमा सामेल भएपछि आफ्नो स्वतन्त्रता गुमाइन्छ । कुनै रिलेशनशिप र पार्टनरको विषयमा बोल्ने स्वतन्त्रता हुँदैन । धेरै व्यक्तिहरु राजनीतिमा खासै रुचि राख्दैनन । जबकि यो देशको लागि एक महत्वपूर्ण विषय हो ।’
कंगनाले थप्दै भनिन्, ‘यदि म राजनीतिमा आएँ भने निस्वार्थ भावनाको साथ आउँछु । अहिले म कलाकार भन्नै रुचाउछु ।’
