रणवीरसँग फिल्म खेल्दै मिस वल्र्ड मानुषी
एजेन्सी– पूर्व मिस वल्र्ड मानुषी छिल्लर बलिउडमा डेब्यु गर्ने चर्चा बेलाबेलामा मिडिया तताइरहेको छ । अहिले मानुषी बलिउड अभिनेता रणवीर सिंहसँग यशराज फिल्म्स ब्यानरमा निर्माण हुने फिल्ममा देखिने चर्चा चलिरहेको छ ।
रणवीर सिंह कबीर खानले निर्देशन गर्न लागेको फिल्म ‘८३’ मा व्यस्त छन् । त्यसपछि उनी ‘तख्त’मा व्यस्त हुनेछन् । दुवै ठूलो बजेटको फिल्म हो । पद्मावत, सिम्बा र गली बोई जस्ता तीन हिट फिल्म दिएका रणवीर आफुले डेब्यु गरेको प्रोडक्सन हाउससँग पुनः काम गर्न चाहन्छन् । रणवीरले मनिष शर्माले निर्देशन गरेको फिल्म ‘ब्याण्ड बाजा बारात’बाट डेब्यु गरेका हुन् ।
मनिष शर्माले निर्देशन गर्न लागेको फिल्ममा देखिए पनि मानुषी फराह खानको फिल्मबाट डेब्यु गर्नेछिन् । फराहको फिल्मलाई रोहित शेट्टीले निर्माण गर्नेछन् । तर रणवीरको अपोजिट मानुषी खेल्ने फिल्म केहि समय पछि मात्रै निर्माण हुनेछ ।
