ऐश्वर्या हलिउड फिल्ममा कमब्याक गर्दै
एजेन्सी– ऐश्वर्या राय बच्चन हलिउडमा कमब्याक गर्ने भएकी छिन् । भारतिय मिडियाका अनुसार ऐश्वर्यालाई हलिउड फिल्मको अफर आएको छ । उनले यो प्रोजेक्ट सम्हाल्नको लागि एक टीम नियुक्त गरेकी छन् ।
ऐश्वर्याले अहिले सम्म हलिउडको पाँच फिल्ममा काम गरेकी छन् । उनले हलिउड फिल्म ब्राइड एण्ड प्रिजुडिस, दि मिस्ट्रेस अफ स्पाईसेज, प्रोवोक्ड, द लास्ट लिजन र दि पिंक पेन्थर अभिनय गरेकी छन् । ऐश्वर्याको बलिउड देखि लिएर हलिउड सम्म राम्रो चर्चा रहेको छ । केहि समय अगाडी ऐश्वर्या पति अभिषेक बच्चनसँग ‘गुलाब जामुन’ देखिने चर्चा थियो । तर यो फिल्मको नयाँ अपडेट आएको छैन ।
हलिउड फिल्मको लागि ऐश्वर्या निकै उत्साहित रहेको भारतिय मिडियामा उल्लेख गरिएको छ । यो फिल्मको औपचारिक घोषणा गरिएको छैन । तर यो फिल्ममा ऐश्वर्या देखिने सम्भावना प्रबल रहेको छ ।
