‘मलाई असफलता देखि डर लाग्दैन’: वरुण धवन
बलिउड अभिनेता वरुण धवन अभिनित फिल्म ‘कलंक’ विश्वभर प्रर्दशन भइरहेको छ । फिल्मले राम्रो ओपनिङ्ग गरेपनि फिल्मको व्यापार घट्दोक्रम छ । बहुप्रतिक्षित फिल्मको कहानी निकै नाजुक रहेको भारतिय समिक्षकले बताएका छन् ।
यो फिल्मले २१ करोडमा ओपनिङ्ग गरेको थियो । यो फिल्म आलिया र वरुणको सबै ठूलो ओपनर फिल्म हो । तर सबै भन्दा ठूलो ओपनिङ्गमा पनि वरुण रमाउन सकेका छैनन् । हालै वरुणले कुनै पनि प्रोजेक्ट सफलतालाई मध्यनजर गरेर साइन नगर्ने बताएका छन् । उनले भने, ‘म असफलतासँग डराउदिन । हरेक फिल्म चुनौती हो । म हरेक प्रोजेक्टमा निकै मिहेनत गर्छु । म जहिले पनि आफ्नो काम सुधार गर्ने कोशिश गर्छु ।’
उनले थप्दै भने, ‘यो फिल्म चुनौतीपुर्ण थियो । किनकी मेरो लागि नयाँ अनुभव थियो । मलाई लाग्छ, आफ्नो अनुभव प्रर्दशन गर्नु महत्वपुर्ण कुरा हो । असफलता र सफलता हरेक पेसामा हुन्छ । मेरो विचारमा नराम्रो पछि राम्रो दिन आउँछ ।’
