‘सूर्यवंशी’ अक्षयको अपोजिटमा कैटरीना फाइनल
एजेन्सी– रोहित शेट्टीको निर्देशनमा बन्न लागेको फिल्म ‘सूर्यवंशी’मा कैटरीना कैफ अनुबन्धित भएकी छन् । रोहितको पछिल्लो फिल्म ‘सिम्बा’ रिलिजसँगै सूर्यवंशीको घोषणा गरिएको थियो । त्यस समयमै फिल्ममा अक्षय कुमारलाई फाइनल गरिएको थियो ।
अक्षयको अपोजिट कुन नायिका हुने भन्ने चर्चाको विषय बनेको थियो । फिल्म युनिटले सामाजिक सञ्जालमा फोटो सार्वजनिक गर्दै कैटरीना फाइनल भएको जानकारी दिएका हुन् । कटरीना, करण जोहर, रोहितसँग भएको फोटो सार्वजनिक गर्दै अक्षयले लेखेका छन्, ‘कैटरीना कैफलाई हाम्रो पुलिसको दुनियाँमा स्वागत छ । हाम्रो सूर्यवंशी गर्ल ।’
कैटरीनाले पनि फिल्मको लागि निकै उत्साहित रहेको बताएकी छन् । उनले लेखेकी छन्, ‘सूर्यवंशी टीमसँग जोडिन पाउँदा निकै उत्साहित छु । रोहित शेट्टीसँग पहिलो पटक काम गर्दैछु । साथै लामो समयपछि अक्षयसँग फिल्म सेटमा जोडिदै छु ।’ अक्षय र कैटरीनाले ‘हमको दीवाना कर गए, नमस्ते लण्डन, वेलकम, सिंह इज किंग, दे दना दन, तीस मार खान’ फिल्ममा काम गरेका थिए । यो फिल्म २०२० को इर्दमा रिलिज हुनेछ ।
