‘फिल्मको भाषा र सीमा हुँदैन’: आयुष्मान खुराना

बलिउड अभिनेता आयुष्मान खुरानाको फिल्म ‘अन्धाधुन’ चिनमा राम्रो प्रर्दशन गरेको छ । यो फिल्मले भारतमा व्यापारिक सफलताका साथै राम्रो चर्चा बटुल्यो ।

आयुष्मान अन्धाधुनको सफलताले आनन्दित भएका छन् । उनले चिनमा फिल्मको सफलता पछि फिल्म भाषा र सीमाबाट वञ्चित भएको बताए । उनले भने, ‘फिल्मको आकर्षण पुरै विश्वमा हुन्छ । जसले भाषा र सीमाको बन्धन तोडिसकेको छ । अन्धाधुन राम्रो फिल्मको श्रेणीमा देख्दा निकै खुशि छु । मेरो लागि चीनमा ३०० करोड पार गर्नु निकै गर्वको कुरा हो । भारतिय फिल्मले विश्वभर आफ्नो पहिचान बनाएको छ । जसमा मैले पनि केहि योगदान दिन पाए ।’ श्रीराम राघवनले निर्देशन गरेको फिल्ममा आयुष्मानसँगै राधिका आप्टे, तब्बू लगायत कलाकारहरुको अभिनय रहेको छ ।

ट्रेन्ड एर्नालिस्टको अनुसार चीनमा तेश्रो हप्तासम्म फिल्मले ४३.४५ मिलियन डलर अर्थात ३ सय ३ करोड भारतीय रुपैयाँ कमाएको छ । यो फिल्म चीनमा अप्रिल ३ मा रिलिज भएको थियो । अहिले यो फिल्म चीनमा सर्वाधिक व्यापार गर्न तेस्रो भारतिय फिल्म बनेको छ । चीनको बक्स अफिसमा हालसम्म सर्वाधिक कमाउने फिल्म ‘दंगल’ हो । यस्तै, दोस्रो नम्बरमा ‘सीक्रेट सुपरस्टार’, तेश्रोमा ‘अन्धाधुन’, चौथोमा ‘बजरंगी भाइजान’ र पाँचौ नम्बरमा ‘हिन्दी मिडियम’ छन् ।