चंकी पाण्डेको भतिजसँग डेब्यु गर्न चाहन्छिन् खुसी
बलिउड अभिनेत्री श्रीदेवी र बोनी कपूरकी जेठी छोरी अभिनेत्री जान्ह्वी कपूरले फिल्म धडकबाट बलिउडमा डेब्यु गरिसकेकी छन् । जान्ह्वीपछि उनकी कान्छी छोरी खुशी कपूर पनि फिल्ममा आउने सोचमा छिन् ।
हालै जाह्न्वी र उनको बहिनी खुशी कपूर नेहा धुपियाको शो ‘वोग बीएफएफ सिजन ३’ मा अतिथी बनेर पुगेका थिए । शोमा खुशीले बलिउडमा डेब्युलाई लिएर खुलेर कुरा राखिन । खुशीले भनिन्, ‘मैले कहिले बलिउडमा डेब्यु गर्छु भनेर मान्छेहरुले कुरा गर्दा निकै मज्जा लाग्छ । म अहिले स्कूलमा पढ्दैछु । फिल्म लाइनमा आउने त सोचेको छु । तर अहिले होइन ।’
शोकी प्रस्तोता नेहा धूपियाले खुशीलाई तीन अप्शन दिदै सोधिन्, कोसँग बलिउड डेब्यू गर्न चाहन्छौ ? शाहरुख खानको छोरा आर्यन खान, चंकी पाण्डेको भतिज अहान पाण्डे वा जावेद जाफरीको छोरा मिजान जाफरी । खुशीले यी मध्ये अहान पाण्डेको नाम चुनिन् । उनले भनिन्, ‘मैले यी तीन मध्ये अहानलाई मात्र अभिनय गर्दै गरेको देखेको छु त्यसैले मलाई लाग्छ अहान नै ठिक हुन्छ ।’
जान्ह्वीले खुशीको डेब्यूको लागि मिजान जाफरीलाई चुनिन् । खुशी बलिउडमा कहिले डेब्यु गर्छिन भन्ने प्रश्नमा खुशिले न्यूर्याक फिल्म एकेडमीमा एक्टिङको ट्रेनिङ्ग लिएपछि मात्र बलिउडमा डेब्यु गर्ने बताइन् ।
