ऋषि कपूर क्यान्सर मुक्त
एजेन्सी– बलिउड निर्माता तथा अभिनेता ऋषि कपूर क्यान्सर मुक्त भएका छन् । ऋषिले अमेरिकाको न्यूयोर्कमा उपचार गरेका थिए ।
उनको उपचारको क्रममा पत्नी नितु कपूरसाथ रहेकी थिइन् भने रणबीर कपूर समय मिलाएर भेट्न जाने गरेका थिए । ऋषि कपूरको स्वास्थ्य स्थितिको बारेमा जानकारी दिदै बलिउड फिल्मकर्मी राहुल रवैलले फेसबुकमा स्टाटस लेखेका छन् । उनले लेखेका छन, ‘ऋषि कपूर (चिन्टु) क्यान्सर फ्रि’ । उनको स्वास्थ्यको बारेमा कपूर परिवारले कुनै जानकारी दिएका छैनन् ।
केहि समय अगाडि कपूरले टुविटर मार्फत छिट्टै भारत फर्कने जानकारी दिएका थिए । उनले क्यानसरबाट मुक्त भएपछि भारत आएर रणबीर र आलिया भट्टको विवाह गरिदिने कुरा गरेका थिए । ऋषिको जस्तै भारतिय कलाकार सोनाली बन्दे्र र इरफान खानले पनि क्यान्सरको उपचार गराएर भारत फर्किएका थिए ।
