वरुण र साराको ‘कुली नं. १’को रिलिज डेट तय
डेबिड धवनको सुपरहिट फिल्म ‘कुली नम्बर वान’को रिमेक बन्दै छ । यो फिल्ममा वरुण धवन र सारा अली खान मुख्य भुमिकामा देखिंदै छन् । फिल्मको छायांकन छिट्टै सुरु गर्ने निर्माण टिमको योजना रहेको छ । फिल्मको रिलिज डेट तय गरिएको छ ।
यो फिल्म २०२० मै १ रिलिज हुनेछ । यो फिल्म हेर्नको लागि दर्शकले एक वर्ष कुर्नु पर्ने भएको छ । वरुण धवनले ट्विटर मार्फत फिल्मको रिलिज डेट सार्वजनिक गरेका हुन् । उनले लेखेका छन्, ‘आजको दिन, अर्को वर्ष, आउनेछ ‘कुली नं. १’ । हुनेछ कमाल ! ‘कुली नं. १’ एक मे, २०२० बाट रिलिज हुनेछ ।’वरुणको आफ्नो पिता डेबिड धवनसँग यो फिल्म मार्फत तेस्रो सहकार्य हो ।
वरुणले यो भन्दा पहिले ‘मे तेरा हिरो’, ‘जुडवा २’मा बुबा डेबिडसँग काम गरिसकेका छन् । जुडवा सलमान खान स्टारर सुपरहिट फिल्मको रिमेक थियो । यो फिल्म पनि गोविन्दा अहुजा र करिश्मा कपूर स्टारर सुपरहिट फिल्मको रिमेक हो ।
