हरर कमेडी फिल्म ‘कोका कोला’मा सनी लियोनी
हरर कमेडी फिल्म ‘गोलमाल अगेन’ र ‘स्त्री’को सफलताले बलिउडमा हरर कमेडी फिल्म बनाउन प्रेरित गरेको छ । यसैलाई मध्य नजर गर्दै ‘कोका कोला’ हरर कमेडी फिल्मको घोषणा गरिएको छ ।
यो फिल्म सनी लियोनले साइन गरिसकेकी छन् । उनको फिल्ममा मुख्य भुमिका भने छैन । उनी केमियो भुमिका र आइटम गीतको लागि फाइनल भएकी हुन् । यो फिल्ममा सनी बाहेक अरु कलाकार फाइनल भएका छैनन् । फिल्मलाई महिन्द्रा धारीवालले निर्माण गर्दैछन् । उनले फिल्मको नाम रजिस्टर गरेको बताउदै भने, ‘हामीले हरर कमेडी फिल्मको लागि सनी लियोनीलाई फाइनल गरेका छौं । अहिले दर्शकले हरर कमेडी फिल्म मन पराउनु भएको छ । त्यसैले हाम्रले कोका कोला फिल्म घोषणा गरेका हौं । भविष्यमा कपि राइटको समस्या नआयोस भनेर फिल्मको नाम रजिस्टर गरिसकेका छौं ।’
जुनबाट छायांकन सुरु गरिने फिल्म देहरादुन, मसूरी र अरिद्वारको ग्रामीण भेगमा छायांकन हुनेछ ।
