‘भूल भुलैया’को सिक्वेलमा अक्षय र विद्या नहुने
एजेन्सी– बलिउड अभिनेता अक्षय कुमार र विद्या बालन अभिनित फिल्म ‘भूल भुलैया’को सिक्वेल बन्ने भएको छ । अहिले हिट फिल्मको सिक्वेल निर्माण गर्ने लहर चलेको त्यहि लहरमा २००७ सालमा प्रर्दशन भएको फिल्म भूल भुलैया पनि सामेल हुँदैछ ।
यो फिल्म हरर कमेडी फिल्म हो । यो फिल्म बक्स अफिसमा सफल भएको थियो । फिल्ममा विद्या बालनले दर्शकलाई डराउन सफल भएकी थिइन् भने अक्षय कुमारले भुतको सामना गरेका थिए । तर यसको सिक्वेलमा अक्षय र विद्या नहुने फिल्मका निर्देशक फरहाद सामजीले जानकारी दिएका छन् । फिल्मको लागि निर्देशक सामजी स्क्रिप्ट तयार पार्दैछन् । उनी फ्रेस टिमसँग छिट्टै काम सुरु गर्ने योजनामा रहेका छन् । फिल्मको नाम निर्माता भूषण कुमारले रजिस्टर गरिसकेका छन् ।
भूल भुलैयाको निर्देशन प्रियदर्शनले गरेका थिए । यो फिल्म ‘मणिचित्रीथु’को रिमेक थियो । यो फिल्म तामिल ‘चन्द्रमुखी’ नाममा निमार्ण भएको छ ।
