सलमान खानको हातमा फिल्म नै फिल्म
एजेन्सी– बलिउड सुपरस्टार सलमान खान ‘भारत’ फिल्मको प्रमोशनमा व्यस्त छन् । यो फिलममा सलमानको अपोजिट कटरिना कैफ देखिदै छिन् ।
सलमान भारत फिल्मपछि ‘दबंग ३’मा सोनाक्षी सिन्हाको अपोजिट देखिने छन् । सलमानको गत वर्ष प्रर्दशनमा आएको फिल्म ‘रेस ३’ फ्लप भएको थियो । तर पनि सलमानलाई फिल्म साइन गरेर भ्याई नभ्याई छ । उनलाई फिल्मको लागि समय निकाल्नै मुश्किल परिरहेको छ । सलमानले सञ्जय लिला भन्सालीको फिल्म ‘इन्शाअल्लाह’मा आलिया भट्टसँग पहिलो पटक देखिदैछन् । त्यसैगरी साजिद नाडियाडवालाको फिल्म ‘किक २’ पनि पाइप लाइनमा छ ।
यो फिल्मको स्क्रिप्ट तयार नभएको हुँदाकेहि ढिला हुने अनुमान गरिएको छ । तर इन्शाअल्लाह भन्दा अगाडि किक २ नै रिलिज गरिने छ । हालै सलमान अभिनित ‘टाइगर’को तेस्रो सिरिज बन्ने घोषणा भइसकेको छ । सलमानले आधा दर्जन भन्दा बढि फिल्म साइन गरेको छन् । यी फिल्मले कतिको सफलता दिन्छ त्यो भने फिल्म प्रर्दशन भएपछि थाहा होला ।
