कान्समा रोमान्टिक निक र प्रियंका (फोटो फिचर)
एजेन्सी– बलिउड अभिनेत्री प्रियंका चोपडा र अमेरिकन गायक निक जोनस कान्स फेस्टिबलमा छाइरहेका छन् । प्रियंका अन्तर्राष्ट्रिय फिल्म फेस्टिभल ‘कान्स’मा सहभागी हुन् पति निक जोनसको साथमा फ्रान्स पुगेकी छन् । उक्त फिल्म फेस्टिभलमा सहभागी हुनको लागि हलिउड देखि बलिउडसम्मका कलाकारहरु फ्रान्स पुगिसकेका छन् ।
शनिबार उक्त फिल्म फेस्टिभलमा प्रियंका र निक रेड कार्पेटमा देखिएका थिए । दुई जना मस्ती गरिरहेको फोटो सार्वजनिक भएको छ । उनीहरु एक आपसमा निकै खुशी देखिएका छन् । केहि समय अगाडी प्रियंका र निकको सम्बन्धमा खटपट भएको खबर बाहिरिएको थियो । उनीहरुले उक्त खबर झुटो भएको बताएका थिए ।
प्रियंका चोपडा कान्समा पहिलो पटक पुगेकी हुन् । १४ मे बाट सुरु भएको ‘कान्स फिल्म फेस्टिभल’ मा प्रियंका चोपडासँगै कंगना रनावत, दीपिका पादुकोण, ऐश्वर्य राय बच्चन लगायत बलिउड अभिनेत्रीहरु सहभागी भइरहेका छन् । नेपालबाट नायिका प्रियंका कार्की सहभागी हुँदैछिन् ।
