यो मितिमा आउने भयो आलिया र आदित्यको ‘सडक २’
एजेन्सी– आलिया भट्ट र आदित्य राय कपूर स्टारर फिल्म ‘सडक २’को छायांकन सुरु भइसकेको छ । फिल्मको छायांकनसँगै प्रर्दशन मिति तय गरिएको छ । यो फिल्म २०२० जुलाई १० मा प्रर्दशन हुनेछ ।
यो फिल्म महेश भट्टले निर्देशन गरेको फिल्म ‘सडक’को सिक्वेल हो । सडकमा महेश भट्टकी जेठी छोरी पुजा र सञ्जय दत्त मुख्य भुमिकामा थिए, भने यसको सिक्वेलमा पुजा र सञ्जयसँगै कान्छी छोरी आलिया र आदित्य राय कपूर मुख्य भुमिकामा रहने छन् । यो फिल्म मार्फत आलिया पहिलो पटक बुबा र दिदिसँग काम गर्दैछिन् ।
आलियाले यो फिल्ममा एक आश्रमको नक्कली गुरुको पर्दाफास गर्नेछिन् । फिल्ममा गुल्सन ग्रोबर र मकरन्द देशपाण्डेको पनि अभिनय छ ।
