सलमान खानलाई चाहिदैन राष्ट्रिय अवार्ड
एजेन्सी– बलिउड सुपरस्टार सलमान खानले करिब तीन दशक फिल्म क्षेत्रमा बिताइसकेका छन् । उनको फिल्मले बक्स अफिसमा राज पनि गरिरहेको छ । यदि कुनै वर्ष सलमानको फिल्म रिलिज भएन भने बलिउडमा खल्लोपना आउँछ । तर सलमानले अहिले सम्म उत्कृष्ट अभिनेताको राष्ट्रिय अवार्ड पाएका छैनन् ।
केहि दिन अगाडी सलमानले ‘भारत’ फिल्मबाट कैटरिनाले राष्ट्रिय अवार्ड हाँसिल गर्न सक्ने बताएका थिए । तर उनले आफुलाई राष्ट्रिय अवार्डको प्रलोभन नभएको बताए । उनले भने, ‘मलाई राष्ट्रिय अवार्ड या अरु कुनै अवार्ड चाहिदैंन । पुरै राज्यको दर्शकले मेरो फिल्म हलमा गएर हेरेपछि राष्ट्रिय अवार्ड पाए जस्तो लाग्छ ।’ सलमानले भारत फिल्मको कहानीबारे बोल्दै भने, ‘यो फिल्मको कहानी कोरियन फिल्मको हो । कोरियन फिल्मको प्लट धेरै राम्रो लाग्यो, त्यसैले भारतमा लिएर आएका छौं । भारत फिल्ममा हामीले धेरै मिहेनत गरेको छौं । हामीले यो फिल्ममा कोरियन फिल्मको प्लट मात्र लिएका हौं ।’
यो फिल्ममा १९६४ देखि लिएर २०१० सम्मको सलमानको कहानी रहेको छ । फिल्ममा सलमानसँगै कैटरिना कैफ, नोरा फतेही, तब्बू, ज्याकी श्राफ, दिशा पाटनी, सुनिल ग्रोबर लगायत कलाकारहरुको अभिनय रहेको छ ।
