सँगै फिल्म खेल्ने भएपछि सलमान गरे आलियको प्रशंसा
एजेन्सी– निर्देशक सञ्जय लीला भन्सालीले सलमान खान र आलिया भट्टलाई लिएर फिल्म ‘इन्शाअल्लाह’ घोषणा गरेका छन् । यो फिल्ममा पहिलो पटक सलमान र आलिया जोडीको रुपमा प्रस्तुत हुँदैछन् । यो जोडीलाई पर्दामा हेर्न दर्शकहरु निकै प्रतिक्षा गरिरहेका छन् ।
सलमानले एक अन्तर्वार्तामा आलियाको तारिफ गर्दै भने, ‘आलिया निकै मिहेनत गर्छिन । उनी आज कहाँबाट कहाँ आइसकिन् । यो कुराको क्रेडिट कोहि अरु लिन सक्दैनन् । यदि कोहि आलियालाई मंैले बनाएको हो भन्छन् भने त्यो झुठ हो । आलियाले आफ्नो ट्यालेन्टलाई आफैले चम्काएकी हुन् । ऊ ट्यालेन्टको भण्डार हो ।’
सलमान र भन्सालीले ‘हम दिल दे चुके सनम’ पछि एक साथ काम गर्दैछन् । सलमानले निर्देशकको बारेमा बोल्दै भने, ‘भन्सालीलाई भेट्दा केहि कनेक्सन भएको महसुस गर्छु । हाम्रो निर्देशक र नायकको मात्र सम्बन्ध छैन । अरु कलाकारसँग काम गरे भनेर सम्बन्ध बिगार्न हुँदैन । म पनि अरु निर्देशकसँग काम गर्छु । उहाँले पनि गर्नुपर्छ ।’
