विवाह नगरी बाबु बन्दै सलमान खान
एजेन्सी– बलिउड अभिनेता सलमान खानको आगामी फिल्म ‘भारत’को प्रमोशनमा जुटेका छन् । विगत लामो समय देखि सलमानको विवाहको विषयमा चर्चा हुने गरेको छ । तर अहिले उनको बच्चाको विषयमा चर्चा भईरहेको छ ।
सलमानलाई बच्चासँग निकै लगाव छ । केहि दिन अगाडी उनी सरोगेसीबाट बुबा बन्दै छन् भन्ने खबर बाहिरिएको थियो । यो खबरलाई सलमानले सिधै होइन भन्ने सकेनन् । एक अन्तर्वार्तामा उनले बाबु बन्ने संकेत दिएका छन् । उनले भने, ‘मलाई बच्चा चाहिन्छ । तर बच्चासँगै आमा पनि आउँछिन् । मलाई आमा चाहिदैन, तर बच्चालाई आमाको खाँचोे पर्छ । बच्चाको हेरचाह गर्नको लागि मसँग धेरै व्यक्तिहरु छन् । सायद यस्तो योजनामा सफल हुन सक्छु ।’
सलमान खानले फिल्म क्षेत्रमा ३० वर्ष बिताइसकेका छन् । उनको नाम धेरै नायिकाहरुसँग जोडियो । उनी सोमी अली, संगिता बीजलानी, ऐश्वर्या राय बच्चन, कटरीना कैफ र यूलिया वन्तुरसँग पे्रममा रहेको चर्चा छ । तर कुनै नायिकासँग पनि विवाह भने हुन सकेन । अहिले उनले विवाह बिनै बाबु बन्ने योजना बनाएका छन् ।
